【IG女神】台灣最索護士　我暈啦！

連續睇咗兩個星期外國嘅IG女神，今次就帶大家返去亞洲，而且仲要直闖美女重鎮：台灣！

今次呢位台灣姑娘，職業係大家熟悉到不得了，無錯，就係姑娘喇！大家由一出世嗰一刻，已經被一大堆護士包圍；大個咗每次有咩頭暈身㷫，去到醫院診所，第一時間又係見到護士；仲有，夜深人靜你哋睇片呢，唔係老師就係......講咗咁耐，主角出場未呢？登登登登，今日介紹嘅Carina Linn（IG：@carinalinn_），就被人稱為「最美麗護士」，無敵身材再加上健康小麥膚色，真係十足十模特兒一樣！雖然Carina經常喺IG放唔少搏到盡嘅相，但佢就一於好少理，堅持自己認真工作、認真生活，性格同佢副偈一樣，有料到！