爆笑Tattoos　騎呢中文紋上身

好多外國人如足球或NBA球星都愛在身上紋上中文字，不過不知是被紋身師傅整蠱還是求其用Google Translate亂咁將英文字直譯成中文，搞到好多時個紋身意思九唔搭八同笑爆嘴。最近有網站就集合了多個失敗中文字紋身個案，紋身字樣簡直係創意爆燈，賤女、「壞孩男」等都算小兒科，最奇係竟然有宦官、兇惡犯詩人同金豬等。騎呢紋身當中更有不少是食物類別，好似芝麻雞、「雞麵湯」等等，莫非老外們食完中國菜回味無窮，要紋個菜式名上身做紀念？