巴打些牙：國際女友日　認識女「性」

今日（8月1日）係國際女友日，鼓勵大家多些關懷身邊的女性朋友。不過，男士們都知道，女生是完全不一樣的生物，要了解她們，其實並不容易，今日就同大家分享一些女性的看法，男友們，醒醒定定啦！

女性擇偶條件

網站「sunshine.co.uk」早前訪問咗2,176位年齡介乎18至34歲嘅單身女士，以了解一下屬於新生代嘅女性到底有咩擇偶條件，結果顯示77%受訪女性認為男方嘅經濟能力屬於重要嘅一環。咁係咪靚仔有着數呢？75%女仔表示會考慮男方嘅外觀，之但係上述兩個條件都只係排第二位同第三位啫！咁邊樣係女仔最注重嘅環節呢？就係識得照顧他人喇！有88%女士指出男仔如果懂得照顧他人係最有吸引力！至於第四位係鍾意去旅行，第五位則係有幽默感。各位男士收到未，冇錢又唔靚仔的話，盡量喺女仔面前表現出對人關愛嘅一面喇！

5種令女人興奮行為

男士們想令女伴有場美妙嘅性愛，唔係瘋狂衝鋒就得嘅，要令女伴覺得滿足，床上過程有幾勁並唔係重點，最重要係過程中點樣令女伴覺得滿意。早前外國社交網站Reddit進行一個調查，訪問咗500名網友，問佢哋認為「男士喺啪啪啪時做啲咩行為會令女士覺得好興奮？」結果大家都認同男士做咗以下5種行為，令女士最High：

（1）當男士喺衝刺時，輕輕捉實女士條頸或頭髮借力加速衝擊，呢種輕度狂野動作女士覺得零舍興奮。

（2）男人喺啪啪啪途中所發出嘅呻吟聲，對女士嚟講亦相當動聽，情況就等同於男人享受女人嘅呻吟聲一樣。

（3）男伴喺發射升空時，係唔少女士覺得最為動人嘅一刻，因為從男方暢快嘅表現中，可以感受到對方對自己嘅愛。

（4）高潮過後男士只需輕撫女伴塊面，便能令女士覺得自己有被尊重嘅感覺，同時亦會令自己充滿自信。

（5）男士喺床上積極地進行主動，讓女士感受到對方嘅投入。

從結果睇嚟，女士們並非單純專注喺肉體上嘅感覺，反而心靈嘅感受更為重要，而上述呢5種行為亦唔難做到，各位巴打日後喺床上識得點做啦！

女方分手理由

好多女仔因為男友滿足唔到佢哋嘅需要而提出分手。早前外國有調查訪問咗1,400名成年男女，當中居然有54%女性表示曾經喺床戰嘅時候生起同男方分手嘅念頭，而大部分都係因為對方嘅表現唔理想，未能滿足到佢哋。另外，亦有一個訪問咗6,842位成年男女嘅調查顯示，分手嘅原因當中佔35%同政治取向有關，至於因為對方性技唔合要求而分手嘅亦有24%，可想而知性愛對於一段男女關係幾咁重要。