日本首間和風主題鬆弛熊Café

大家身邊可有一個鬆弛熊粉絲？小編有，仲唔止一個添！今次介紹嘅活動，啱晒鬆弛熊Fans，由嵐電鐵路、東映太秦映畫村和京都市交通局合作嘅「リラックマごゆるり京都」，由即日起至2018年1月8日期間舉行，活動超豐富，有主題茶房、鬆弛熊電車、收集印章活動及多款限定商品供應等。而Rilakkuma茶房將於10月28日於京都嵐山開設，亦係日本首間和風主題嘅鬆弛熊Café，位置在天龍寺對面，旁邊就係渡月橋及竹林小徑，全部係打卡熱點。

兩層高的Rilakkuma茶房以蜂蜜為主題，一樓是外賣店，專售各款主題飲料及糕點，也有多款周邊限定商品供應。二樓是用餐區，提供多款健康和風定食、和菓子及西式甜品，食物大多加入鬆弛熊作設計元素，賣相吸睛，粉絲捨唔捨得食呢？

資料及圖片來源：http://rilakkumasabo.jp