Doraemon Post Office　即日快閃開業

滿身法寶的多啦A夢又有新搞作！由即日至12月3日將坐鎮LOG-ON@銅鑼灣時代廣場中庭開設的香港首間「Doraemon Post Office」期間限定郵政局，屆時多啦A夢會利用法寶「代用貼紙」，變身成為動畫中因被大雄整蠱而成的「多啦A夢大郵筒」，鐵粉可於期間限定郵便局內選購各款多啦A夢明信片，即場寫上心意字句及蓋上各款多啦A夢印章，完成後，記住投入「多啦A夢大郵筒」，即會免費為大家把明信片送到親友手上，即使海外亦沒有問題！

此外，現場仲有多款獨家新品發售，當中最吸引小記的，莫過於獲日本官方授權的多啦A夢達摩系列公仔，連日本都從未推出㗎！圓滾滾的多啦A夢達摩造型得意， 肚子寫上福字為大家開運，系列更有3款不同尺吋， 無論當擺設放喺屋企，攬住嚟瞓定係掛喺手袋背囊做吊飾都冇問題。