Moikit抵玩智能水樽水杯

要保持身體健康，飲足夠水分是重要的一環，不過打工仔生活忙碌，經常都會飲水不足及不定時。有見及此，品牌Moikit就推出一系列智能產品，分別有Gene智能水樽及Cuptime2智能水杯。

Gene外形與一般運動水樽無異，700ml半透明彩色樽身，最關鍵當然是樽蓋部分，用上SmartStraw技術，令用家既可吸飲，又可以倒轉飲用。透過專利Zephair技術，可以準確測量用家的飲水量；並引入DPAT技術，根據用家的飲水量、體重、健康狀況及運動量，從而計算用家身體所需的水分。樽蓋位置亦設有屏幕，可顯示電量、飲水量，簡單易用。Gene同時支援IPX6防水防塵標準，戶外、雨天使用亦不成問題。

如果想在辦公室或家中使用，亦可考慮Cuptime2。容量為360ml，而且飲水量監測精準度比Gene高，亦可實時於杯上屏幕顯示每次飲用量。此外，Cuptime2內置震動提示動功能，提醒用家飲水時間；加上設有溫度計，液體太高溫時會作出警示。值得一提是，Gene及Cuptime2亦均對應《Moikit》App，可以實時記錄飲水量、飲水次數等習慣，加上備有不同「成就」徽章，鼓勵用家飲多點水！