iPhone X三米抗跌　Catalyst保護殼

到今時今日，好多真iPhone X用家都成功出機，亦當然唔少得要買埋手機殼保護手機，而Catalyst最近就推出專門畀iPhone X使用的Impact保護殼，最大賣點係達到軍規級防撞標準（MIL-STD 810G），皆因所採用的耐撞邊框，就算3米高墜落完好無缺，經常甩手甩腳的「果迷」點可以冇呢。

手機殼除了有功能之外，仲要夠型！今次Impact保護殼就提供黑、藍、紅、綠四種顏色選擇，加上透明後蓋可以展示手機原有的顏色，而旁邊更設有獨特的專利旋鈕，輕輕一扭即可切換至靜音模式，夠晒方便。同場還有iPhone 8/8 Plus專用防水保護殼，以及Apple Watch Series 3保護殼，前者支援IP68防水效能，即使潛入10米水深都依然操作正常，另外亦支援2米防撞的專業認證。而後者則具有兩層設計，不僅擁有IP68防水級別及2米防撞，甚至能夠承受100米的水壓，帶去深潛都冇問題。