XPower無線充電座　橫直任意擺

依家幾乎所有旗艦機好似iPhone X、Galaxy S9、V30+都支援無線充電，理所當然就要買返個無線充電座。本地配件品牌XPower最近就推出WLS1無線充電器，特別採用雙線圈，手機打直充又得，打橫充亦得！

以往唔少無線充電器只內置一個線圈，局限了充電範圍，令手機只能垂直擺放。WLS1就改用雙線圈設計，機面上下位置各設有線圈，令充電範圍大大增加，以V30+實測，無論將機身橫直擺放都同樣。此外，配件支搬5V/1.1A標準及9V/1.2A快速無線充電，充電效率夠高。

同場加映：

PB5C超迷你叉電：近年好多外置充電器都追求大電量，搞到機身超大舊。想搵比較輕巧的款式，呢款PB5C就係好選擇。配件僅厚9mm，而且面積只比八達通大少少，加上127g重，袋落衫袋、褲袋都唔掗拃。功能方面，設有USB Type-A及Type-C輸出插口，分別支援5V/2.4A及5V/3A，並且內置5,000mAh電量。

磁力快拆轉插：上代磁力充電線最大缺點就係需要專用充電線，令使用成本大增。今代就改為轉插設計，套設定一個磁力轉插，可以將一般microUSB線材變成磁力線，屋企舊線都可以繼續用。磁力轉插兼容快速充電及檔案傳輸，功能齊全。