街市學堂之石黃皮係水果定藥材

天氣忽冷忽熱，除皮膚容易痕癢不適外，喉嚨亦變得乾涸出現咳嗽，其實在街市有唔少滋潤食材，只要揀啱煲成湯水，有清熱止咳作用。好像馬鞍山一個街市的藥膳農莊，有一種清熱潤肺的生草藥，看起來好似夏天當造的生果黃皮，但原來兩者大不同。

藥膳農莊老闆陳先生表示，這種生草藥叫石黃皮，是一年四季都可以結成果實的生草藥，又名腎蕨。雖然和黃皮很相似，但細心觀察就會發現很多不同之處。石黃皮外層有好多絨毛，只要輕力一搓就會搓走，用刀切開中間沒果核，用力唧會唧出大量汁液。此外，石黃皮味道甘澀但性質溫和，可配龍脷葉青欖煲水，又或者加瘦肉煲成湯水，有清熱祛濕、止咳化痰功效。