極致還原 魔戒神鵰俠

20180322
東網電視
更多新聞短片
專門為荷里活電影炮製道具與特效嘅WETA Workshop,最近將甘道夫與關赫呢pair魔戒奇招變成小型雕像。

神鵰大俠,唔只楊過,原來《魔戒》嘅甘道夫(Gandalf)都係,記性好嘅魔戒粉絲,應該記得甘道夫嘅朋友唔只佛羅多(Frodo Baggins)、山姆(Samwise Gamgee)、阿拉岡(Aragorn)與勒苟拉斯(Legolas),仲有巨鷹之王關赫(Gwaihir),後者多次領導巨鷹族拯救呢班正義朋友,甘道夫仲坐喺關赫嘅背上,向魔君索倫(Sauron)一夥實施奇襲。如此一人一鷹嘅正義組合,氣勢十足,不過以主流1/6 Action Figure立體化嘅話,噸位之大,又有幾多粉絲容納得到?WETA Workshop就將呢個題材,變成高150mm、長103mm嘅雕像,令魔戒迷嘅書枱上可以添上「鷹」姿。

雖然尺寸唔算大,不過呢款Gandalf on Gwaihir雕像嘅造工一啲都唔弱,事關WETA Workshop正係電影道具與特效嘅知名公司。就官圖所見,關赫全身羽毛都有充滿層次感嘅雕工,並非喺平面上刻上線紋了事,加上自然、具變化嘅塗裝,以及擘口大叫嘅頭雕姿勢,做到栩栩如生、英氣迫人。至於關赫背上嘅甘道夫,相比之下更顯細小,但係造工絕不遜色,一身灰袍巫師的裝束,再到長鬍與手杖,都有清晰嘅雕工與塗裝,還原了電影中居高臨下、洞察全局的場面。除了Gandalf on Gwaihir,WETA Workshop仲有Eomer on Firefoot、Haldir與Gollum等多款魔戒雕像作品,以質素而論,就算未能集齊,若然冇番一、兩套喺屋企看門口,又點算係魔戒鐵粉?
-------------------------
《骰寶坊》誠邀各地【賭王】【賭后】挑戰神人境界,每日更有百萬籌碼等你領取!
立即免費下載,體驗《骰寶坊》最真實、刺激的多人在線骰寶遊戲!
遊戲下載:https://goo.gl/j16mcF