「瀏海」新貴！ZenFone 5智慧拍攝

自從iPhone X推出後，採用「瀏海」屏幕設計的手機愈來愈多，今天又有一部，它就是新抵港的Asus ZenFone 5。先睇外表，它採用6.2吋19:9「瀏海」全面屏，支援Full HD+解像度，屏佔比達到90%之高。視覺上難免與iPhone X比較，但它就較為修長，拎上手也較輕巧，甚至有點「輕飄飄」感覺，有人會喜歡，但小記就覺得少了份實在感，要時間適應。機身則以航太級鋁材製成，表面覆蓋玻璃，當中機背更設有招牌同心圓花紋，辨識度高。顏色今代選擇唔多，只有銀、藍兩色，好處是沉實大方，睇得耐都唔厭。

屏幕以外，ZenFone 5也跟隨潮流加入雙鏡頭，其中一顆是1,200萬像素主鏡頭，支援f/1.8大光圈、0.03秒快速對焦及AI攝影，系統會在拍攝過程中分析目標，並在人物、食物、植物等16種場景類型進行搭配。實測見辨認速度幾高，而且能拍出分別，攝影初哥必用。主鏡頭還提供「即時人像景深」及「即時美顏」功能，影人靚一靚，但建議使用時勿太重手，否則出來效果都幾假。值得一提還有超廣角副鏡，等效12mm，影景極Wide，美中不足是四邊有少許變形，期望日後廠商能夠作出修正。

硬件方面，ZenFone 5用上最新的Qualcomm S636處理器，搭配4GB RAM 和 64GB ROM，雖然唔算頂級，但撥頁、開App也十分流暢，影相存相也夠快，可見新U具一定效能。新機在音色上，不但支援192kHz/24bit Hi-Res音效，還預載《音效魔術師》讓用戶自定音效類型，細心！最後說到價錢，新機位處中檔，考慮到功能齊備，所以性價比不俗，在避開上游其他強勁對手下，有機會殺出一血路呢！

規格表

制式︰GSM、WCDMA、LTE，支援雙卡雙待

處理器︰Qualcomm Snapdragon 636

記憶體︰4GB RAM、64GB ROM、支援2TB microSD

屏幕︰6.2吋19:9全面屏 (2,246×1,080解像度）

鏡頭︰（前置）800萬像素、（後置）1,200萬像素+120度超廣角

對外連接︰802.11ac、藍牙5.0、NFC、USB Type-C

電池容積：3,300mAh

作業系統︰Android 8.0

體積︰153 × 75.65 × 7.7mm

重量︰155g