賀！小丸子生日　小丸子3D八達通登場

「Beli Bala~Beli Bala~」大家知唔知櫻桃小丸子係幾月生日，其實就係今個月（5月）囉，為了慶祝小丸子生日的大日子，特別推出小丸子3D八達通配飾，包括主角小丸子、第一男主角花輪同學及大熱的野口同學，合共三種款式，全部都經過悉心打扮，當中小丸子更以一身公主造型登場，更手抱小兔兔公仔。最搞笑是每款配飾都附有一個精緻的生日名牌，上面印有角色的名字、班別及生日日期，順帶一提配飾將於5月9日7時起正式發售，粉絲又點可以錯過呢。