來發館　睇住波享受海鮮火鍋

【特約報道】打邊爐最重要是食材新鮮，價錢實惠，一大班朋友可以吃得暢快。最近小記試過位於太子的「來發館海鮮火鍋刺身專門店」，海鮮每日返貨，種類又多，最驚喜是有足球賽事直播，以後睇波有多一個選擇！

開業4年多的「來發館」，主打海鮮火鍋及時令刺身，雖然同區有不少火鍋店，上乘的質素吸引不少客人慕名而來。老闆明哥是紅褲子出身，原是燒味師傅，後來在深水埗開小炒店，再一步一步擴大生意版圖。擁有幾十年的廚房經驗的明哥深知顧客要求，供應新鮮的時令海鮮。「我有相熟的漁民供貨，而且叫貨量多，所以每日都有新鮮靚海魚，刁鑽的海鮮都會先給我，例如花金古、野生黃腳鱲等都是坊間較少供應的海鮮。」明哥說。象拔蚌刺身是必點菜式，選用加拿大象拔蚌，肉質爽甜。一般舖都會將象拔蚌浸水發大，但這樣會沒有蚌味；這兒的象拔蚌不會浸水，保留原汁原味。另一款招牌火鍋料是本地手切肥牛。由於全港每日只劏15隻牛，要食到本地牛肉並不易，而來發館兩分店佔一隻，供應算充足。牛肉油花分佈均勻，肉質軟滑而牛味重，令人欲罷不能。

直播球賽增生意額

店子還有一大賣點，就是設Now TV直播足球賽事，世界盃舉行在即，Now TV將獨家直播64場賽事，而來發館亦已一早申請了世界盃通行證。「未裝Now TV之前，已經有很多客人問有無得睇波，有時甚至因無波睇而轉場，所以我決定安裝，現在裝了一年多，增加了約三分之一的顧客，對生意好有幫助。我們又不會趕客走，鐘意坐幾耐都得，客人都非常滿意。有波睇的晚上，氣氛很熱鬧，帶旺成個場，預計世界盃期間晚晚爆場。」明哥表示。以前睇波多數去酒吧，現在火鍋店都有得睇，同朋友一邊「烚下烚下」，一邊為心愛的球隊打氣，絕對是球迷的福音。