救世煮之白燒：最能嘗到食材原味
20180612
東網電視
更多新聞短片
白燒是燒的烹調法當中最能食到食材原味的方法，多用於海鮮及蔬菜類食材。（互聯網圖片）
今時今日，唔係話要廚藝超群，煮到識飛至可以入廚，只要肯試肯煮，人人都係大廚，之不過除咗煎炒煮炸之外，大家又識唔識燒燜煀扣等烹調方法呢？其實唔需要識晒，起碼知己知彼，學多一兩道板斧，有人問起都唔會口窒窒吖麻！
－－－－－－－－
上期開始講「燒」，首次講的是較為人熟悉的紅燒，而今日介紹的是普遍人都較為陌生的白燒。何謂白燒？即不加糖及有顏色的調味料，就算加，都只會是一些色澤淡或白色的調味湯汁，而這種烹調方法多用於海鮮或蔬菜類食材。
要數最為人熟悉的白燒菜，必有日本的白燒鰻魚（白鱔）份兒。日本多個地方都有出產鰻魚，無論是野生（少而珍貴）的海鰻及河鰻定或飼養的鰻魚，只要夠新鮮，兼準繩地掌控火候，便能燒製出皮脆肉嫩又鮮味的鰻魚來，簡單以調味，便能嘗到鰻魚的真‧滋味。
自家燒
由於白燒能食到食材本身的原汁原味，故食材愈新鮮愈好，而白燒鰻魚亦不例外，需要用上生猛鰻魚（白鱔）入饌才行。此外，並非每一個家庭的小廚房都有明火燒烤爐，但可以用焗爐烘烤，達至燒烤效果。之不過，白燒鰻魚材料不多，但步驟繁複，少點心機也不行。
材料：
新鮮白鱔 1條
清酒 200毫升
柴魚湯 300毫升
海帶 適量
山椒粉 少許
淡色醬油 30毫升
鹽 少許
做法：
1. 新鮮白鱔劏完處理乾淨後，灑上少許鹽醃約5分鐘，放入滾水灼約10秒後取出，以刷及清水刷洗魚身黏膜，清洗瀝乾水備用。
2. 清酒煮滾，加入柴魚湯及海帶，以小火煮約5分鐘，拿走海帶。
3. 將白鱔置烤架上，烤至兩面微焦後放入海帶湯汁之中，以小火煮約40分鐘，下淡色醬油再煮15分鐘至入味。
4. 白鱔連醬汁放涼後冷藏數小時後，取出放烤架上烤熱，灑上山椒粉即成。