燒烤場化身B.Duck充氣水上樂園

夏天玩水是常識吧！不過單是游水、玩沙又欠缺新意，幸而今年白石燒烤特別與B.Duck Crossover，舉辦全港首個大型B.Duck充氣水上樂園，讓大人細路可以玩盡13款水上遊樂設施，為炎夏消消暑！

一講到有水上充氣玩意，相信好多小朋友已按捺不住，真是未落場先興奮，再者白石燒烤今年的充氣水上樂園有別於往年，與B.Duck Crossover，並以浴室派對為主題，設有9條B.Duck圖案大型充氣滑梯及4個水池，當中最叫小朋友興奮的，一定是3條高逾5米的水上滑梯，下滑速度非常快速，極盡刺激，而滑梯下，除了設有水池，又可找到長長的充氣賽道，小朋友可以在此彈跳、玩水。至於其餘6條滑梯則較矮，適合較年幼的孩童，而且部分是雙管設計，可以與家人、朋友齊齊玩。

還記得小時候，有隻黃色小鴨與你一齊洗白白？為了大家能尋回童年回憶，場內特設浮水鴨波波池，白色及半透明波波加上逾百隻浮水B.Duck陪大家玩水，啱晒粉絲拍照打卡！另外，場內還備有4個水深約70厘米的充氣水池，有的備有雙手攪動碰碰船、香蕉船、浮床、波波等玩意，玩足一個下午也不想走呢！值得一讚是，有些父母或會擔心污水是細菌的溫床，為了令大家安心，此處水池均設有濾水裝置，樂園運作期間亦會不停注入新水，以確保衞生。

模特兒：張皓鈞、李卓軒、梁凱喬、陳正曦