Fake Supreme Store 深圳無恥開業

20180725
東網電視
更多新聞短片
深圳呢間Supreme專門店裝修以至店內擺設都同真Supreme Store有明顯分別,個NYC紅圈更係罪證所在。(互聯網)

內地的老翻山寨文化情況猖獗都早已不是新鮮事,由90年代羅湖商業城賣假波鞋、假電器去到近期少少華強北路山寨iPhone以至各類型冒牌電子用品,賣假情況其實一直冇停過。近年國內商人更學識鑽法律漏洞搶先註冊商標公然侵權,Jordan Brand及New Balance就係兩個遭殃嘅美國運動品牌,繼去年溫州出現全球首間(假)YEEZY專門店後,近日,深圳亦開咗間(假)Supreme專門店,店面裝修明顯同美國、英國、法國及日本各地專門店唔同,入面所賣嘅Tee及Hoodie款式當然係照抄紅底白字Box Logo設計,但右上角就離奇多咗個正貨無嘅NYC紅圈露出馬腳,但都不得不佩服國內商人相當識玩,識得用Supreme NYC註冊而唔係Supreme China,令佢可信性大大提高。

如果大家好記性,應該仲記得上月曾經發生咗一單Supreme「被聯名」嘅新聞,主角之一國內品牌OXN除咗大鑼大鼓搵個外籍黑人扮係Supreme代表簽約之外,甚至於現場舉行Fashion Show向同胞展示Supreme x OXN聯名系列,而當時同OXN聯名嘅Supreme左上角亦一樣係有個NYC紅圈,好明顯簽約聯名同今次開舖賣衫都係同一個山寨Supreme所為,而到底OXN係中伏認錯馮京當馬涼送錢畀山寨Supreme使?定其實兩個品牌根本係同一個老闆,自編自導自演掠水呢?相信Supreme Fans自然心中有數。