迎接多啦A夢生日 靚靚禮物誰都喜歡

20180831
東網電視
更多新聞短片
9月3日係多啦A夢誕生日,日本有多款特設嘅禮品推出,粉絲一定要入手!(互聯網)
9月3日係乜嘢大日子?除咗係開學第一天之外,仲係多啦A夢誕生之日,因此日本近期推出了多款有關多啦A夢嘅產品,一於買齊佢,慶祝多啦A夢生日!
文具系列產品 人人期望可達到
一心堂本舗與京都和紙手染工房共同設立的品牌「和染FACTORY」,推出的第一彈產品,就是以多啦A夢作圖案的一系列產品,包括和紙、工具箱、明信片盒、小物箱、卡片盒、日式裝釘書、小碟、小袋、記事簿等合共10種產品,將於9月3日多啦A夢生日當天網上有售,並於9月10日於一心堂直營的東京SkyTree店有售。
靚靚記事本 我的快樂比天高
自2001年起,網站「ほぼ日刊イトイ新聞」推出的記事本便成為大家追捧的潮物,至今已賣出78萬本之多!2019年版記事本已經公布,當中包括3款多啦A夢圖案記事本,其中一款是以滿面笑容的多啦A夢油畫為封面,好有質感,另一款以淺藍色為主調,加上不同造型的多啦A夢,同樣吸睛,而最有趣的一款,則是以大雄及靜香為封面,只見在課室內,大雄(含情脈脈地)偷望靜香,男孩子大可送給女生作暗示,成功的話,就真係快樂比天高啦!不過想買就要等一等,因為10月1日先正式發售。
咖啡產品 人人如意開心歡笑
雖然多啦A夢同大雄明明都唔飲咖啡,但相信大家見到呢款咖啡產品,仍然心郁郁想買!咖啡用品品牌Kalita推出了一系列的多啦A夢聯乘產品,包括咖啡杯、咖啡壺、以多啦A夢「人類操控器」作圖案的磨咖啡豆器等等,工作忙碌之時,用這些產品炮製咖啡,回憶兒時看多啦A夢的開心歡笑日子,其實都幾治愈!
智能揚聲器 跳進美夢尋獲美好
至於通訊軟件LINE推出搭載AI智慧功能的「Clova Friends mini」智能揚聲器,較早前推出以多啦A夢為造型的第3彈,跟之前推出的系列一樣,可以用來作Line的通話及發信息,還會報新聞及天氣,咁都未夠,你只要對住多啦A夢揚聲器講「Clova、呼喚多啦A夢」,多啦A就會出聲同你講嘢,讓大家跳進美夢尋獲美好!不過大前提係,你要識日文囉……