【靚人靚景】須田亞香里　古巴展魅力

須田亞香里出道已經有九年日子，喺呢九年當中阿妹可以話係逆境求生，因為佢成日被人嫌生得醜樣，之不過亞里香心態相當正面，更加將批評視為磨練以及奮鬥嘅源動力，令佢繼續喺SKE48當中發奮向上，剛剛就喺「AKB48第53張單曲世界選拔總選舉」中以154,011票數獲得第2名，連續三年於AKB總選舉中成為「神7」之一！

另外，阿妹仲以個人奮鬥嘅經歷推出個自我啟發書籍《自卑力～為什麼能爬出逆境？～》添！喺亞里香最近推出嘅寫真集《可愛くなる方法》當中，大家就可以感受到阿妹經磨練而得出嘅攝人魅力，仲可以欣賞埋取景地古巴嘅景色，而阿妹更加會去到當地唔少名勝與當地人接觸，甚至去到一間芭蕾舞學校表演苦練咗十三年嘅芭蕾舞舞藝，還會到巴拉德羅（Varadero）暢泳一番，巴拉德羅是古巴馬坦薩斯省度假勝地，也是加勒比海最大的度假區之一，最吸引的是擁有超過20公里的白沙灘，藍天、陽光、沙灘、大海，組成了優美的畫面，更有「人間伊甸園」的稱號，再加上美人兒須田亞香里，更是美上加美！