中秋食乜水果好？

仲有唔夠十日就到中秋節，年長一輩會與親友相互送贈月餅之餘，亦會買些應節水果於節日當天團圓賞月時享用，好似柚子、楊桃咁，亦會預備一些菱角、芋仔等這些應節食品，年輕一輩可能連菱角個名都未聽過呢？至於柚子、楊桃等更可能唔知點解要食用，仲會問同中秋有咩關係呢？

柚子，是秋季時令水果，由於與「佑」發音相近，帶吉祥之意，亦有祈求月亮保佑之意，而實際上，食過甜膩嘅月餅，吃一點酸酸甜甜嘅柚子亦有開胃解膩之效，且蘊含豐富維生素C及大量營養素，有益健康。

楊桃，盛產於每年9月，取其「洋洋得意」嘅寓意，有說切開楊桃呈星星狀，正好用來伴月；加上含豐富維他命A及C，又生津解渴。之不過，由於其亦含大量草酸鹽及相當嘅鉀，故腎功能欠佳者無法分解，不宜食用。

菱角，又或水栗、水菱、龍角等，乃一年生草本水生植物菱嘅果實，於中秋時最為飽滿成熟，一般在中秋前都可以在街市見到其蹤影，傳統中秋食菱角，寓意聰明伶利。菱角含豐富蛋白質、不飽和脂肪酸及多種維他命及元素，外形獨特，兩端有角，猶如牛角般，外殼呈黑色且十分硬實而果肉卻是白色，通常會烚熟去殼，拿出果肉來吃，綿糯甘甜。

芋仔，中秋前後當造，只有一個月嘅賞味期，傳統愛用作拜神或作賞月食物，主要取其諧音，有護佑之意，而清乾隆《潮州府志》曰：「中秋玩月，剝芋頭食之，謂之剝鬼皮。」意指驅鬼辟邪消災之意。而芋仔一般是烚熟或蒸熟後去皮食用，軟滑粉糯。