香港估估吓：木嘴輝口頭禪係……

周潤發歸位啦！今次終於無拍爛片啦！難怪不少市民都十分雀躍。

講到發哥，電影佳作不少，早年在電視台也有不少經典作品，包括《狂潮》、《網中人》及《上海灘》等，當中周潤發皆飾演官仔骨骨的角色，反而在1980年的劇集《親情》中飾演車房仔「木嘴輝」一角，算是破格演出，也可算是後來「船頭尺」等角色的預演。

為顯示「木嘴輝」夠市井，他在劇中有句口頭禪，就是「係咁先，唔係咩呀」，這句口頭禪當年簡直街知巷聞，據說是發哥自己度出來的。

此劇也是繼《網中人》後，周潤發和鄭裕玲這對熒幕情侶再次合作，但《親情》編劇竟安排周潤發不愛鄭裕玲之餘，還要鄭自殺身亡，令觀眾大表不滿，無線只得補拍大結局，安排發仔在鄭裕玲墓前說，我最愛的還是你，才平息「民憤」。