鬼咁多Halloween Game好好玩

愈接近10月底，嘩鬼的蹤影愈多，其實除了扮鬼扮馬之外，仲可以帶小朋友玩一些應節活動！黃埔天地於即日至10月28日舉辦MALLnival「狂歡萬聖哈囉喂」，推出多達11款Halloween主題攤位遊戲，包括2米半高巨型夾公仔機、趣怪冰壺、怪物獵人射擊及各種投擲遊戲，全場過萬份豐富獎品瘋狂送出，包括大量授權卡通人物的精品，如Disney系列的米奇米妮、Winnie The Pooh、三眼仔毛公仔；Sanrio系列的Hello Kitty、Little Twin Stars玻璃碟；Minions一系列精品文具等。同場更有嘩鬼巡遊大派糖果及萬聖節印水紙，遊戲券亦有「多買多賞」計劃，大家未贏獎品，先贏禮品，肯定玩到鬼咁開心！