麻辣火鍋有條不知名魚！

香港人超愛打邊爐，冬天打，夏天打，總之一年四季都會食火鍋，近日天氣轉涼，更是「出師有名」。城中嘅火鍋店非常多，款式亦十分多元化，有地道港式、川蜀口味、台式、蒸火鍋等，由清淡嘅上湯，到濃郁豬骨湯或辛辣湯底都有齊，近年火熱嘅麻辣火鍋更開到成行成市，甚至吸引不少內地連鎖名店紛紛進駐香港，當中又以重慶火鍋既麻且辣最深得嗜辣一族歡心；作為嗜辣嘅火鍋迷，又點會錯過呢？而黃喉、黑毛肚以及肥鵝腸更有麻辣火鍋3寶美譽，當然不能不吃，但3寶以外，重慶人食麻辣火鍋必備一種食材，就係耗兒魚！

重慶近年更興起耗兒魚專門店，用不同烹調方法品嘗這種魚，火熱到不行。之但係，本地很多人在火鍋店菜單上看到（或聽到名字）根本不知道是甚麼魚來，而鮮有入廚逛街市嘅年輕人好似小編啲閨密咁，仲以為係重慶當地獨有魚款添呢！

呢種魚，喺北京被稱為橡皮魚，並非指條魚可以拉長扯短極富彈性，而係話呢款魚嘅皮非常韌，要剝掉才可以入饌享用，講到咁，大家應該估到係咩魚吧？無錯，就係大家常稱之為沙鯭或剝皮魚等嘅魚嚟，學名係綠鰭馬面魨或馬面魨，係一種海魚，中國就盛產於東海、黃海、渤海一帶，日本、澳洲等地亦有出產。由於魚肉肉質緊緻鮮嫩幼滑、刺少且無腥味，最重要係耐煮，不易散爛，故成為重慶火鍋嘅熱門食材。