萬聖節懶人穿搭必備　百變小黑裙

萬聖節唔少人都會出去玩番晚，雖然這是一個扮鬼扮馬的節日，但未必個個都有時間去妝扮，如果唔想着Halloween Costume咁老套，靚女們在萬聖節怎樣穿才可以靚之餘又有氣氛？一條Little Black Dress幫到你手。

小黑裙，每個女生衣櫃裏都會有，黑色唔單只配合萬聖節的暗黑氣氛，隨便穿都可以很Chic，最正是大家只要簡單運用面具、頭飾和化妝貼，就可以用小黑裙變出不同的萬聖節造型。例如變身成為女巫、貓女和歌劇天后，當配襯珠片或羽毛頭飾與長手襪，就變成《大亨小傳》中的Flapper Girl，另外當然唔少得《珠光寶氣》中柯德莉夏萍的造型，只要襯上一大條珠鏈和長手襪就搞掂，由此可見小黑裙絕對是萬聖節懶人穿搭的必備單品。