【19月曆】係愛呀！空姐月曆 脫制服為公益
20181026
東網電視
更多新聞短片
2019長榮愛心空姐月曆曝光 多達20位現役空姐上陣！（互聯網）
唔夠十個禮拜就踏入2019年，各式年曆紛紛出籠，目的當然為賺錢啦！但搵銀同時都可以為公益嘅，好似台灣一間航空公司，計埋今年，經已連續第八年推出「2019愛心空姐月曆」，搵嚟20位20位空姐，甚至加插一位「小鮮肉」機師力撐，部分收益捐兒童基金，幫助被遺棄孩子及孤兒，年曆限量6千份，分為掛曆及桌曆兩款，每本約售65港元，咁有愛梗係要搶啦！
至於大家最關心嘅當然係空姐質素，放心，20位現職空姐仲正過真Model，個個有樣有偈，一如以往，空姐脫下制服，換上性感比堅尼喺海灘拍攝，吸睛度爆燈，據當地傳媒報道，愛心年曆耗時5個月，走訪多個台灣靚景，先拍攝完成，好多時空姐仲要一落機就去拍，真係好值得珍藏㗎，官方就非常感激呢班現役空姐為公益出力，佢哋包括係：陳盈竹、林韋彤、吳怡欣、林美佐、陳映璇、伍芷柔、吳明軒、蔡羽盈、周宛平、鄧思薇、嚴暐如、彭詠旋，以上每人代表一個月份，啲名有咩用？梗係俾你哋去起底啦！