香港估估吓:壽星仔三個老死叫咩名?

20181027
東網電視
更多新聞短片
香港估估吓:壽星仔三個老死叫咩名?(互聯網)
經典日本漫畫《蠟筆小新》當中嘅主角野原新之助永遠都係五歲,但係為人老積又好色,相信大家對佢嘅所作所為都印象深刻,不過喺香港漫畫界當中早就已經出現過一位同類型嘅經典漫畫角色,佢就係《壽星仔》當中嘅主角壽星仔喇!
《壽星仔》漫畫由已故漫畫大師上官小強嘅作品,於1974年面世,屬於一本綜合式漫畫書,除咗以壽星仔為主嘅漫畫故事之外,亦有其他漫畫主筆嘅作品,當中最知名嘅相信就係無厘頭漫畫大師甘小文喇。壽星仔永遠都係九歲半,身高唔超高五呎,髮型為中間分界,唔單只為人老積,仲滿口粗言穢語,佢仲有幾位老友,一個係熱血青年「強記」,一個就係辣手幹探「彭蛇」,三人合稱為「神勇三膠龍」,另外仲有個成人着住空手道袍嘅Friend叫「火麻仁」,內容有時係原創嘅搞笑故事,有時亦會同其他電影作品來個Crossover,當中以改編自日本漫畫「七金剛」嘅「港產七金剛」最為經典。