【地靈人美】福岡第一美少女　展現生命力

喺日本藝能界，如果有女星被傳出介入其他人嘅婚姻，事情往往會鬧大，疑似成為小三嘅女星更加會被大眾口誅筆伐，星途隨時就此玩完。早前，演藝事業正值當頭起嘅今田美櫻就被傳與已婚嘅藝能事務所社長有染，好彩嘅係事件似乎已經平息，最近美櫻再次活躍起嚟，而頭等大事就當然係宣傳自己嘅第一本寫真集《生命力》啦！

出生於福岡嘅今田美櫻，16歲時被藝能事務所發掘成為模特兒，憑住精靈俏麗嘅形象大受歡迎，及後更成為宣傳福岡旅遊嘅形象女神「Sagemon Girls」其中一員，由於旅遊宣傳片被上載到YouTube，令曝光率及人氣上升。當時藝能界事務所Bigface總裁喺福岡一個車站等車嘅時候見到美櫻嘅海報，一瞬間就被其可愛面孔吸引住，於是將美櫻簽歸旗下，從此美櫻便進軍影視界！

自此今田美櫻被稱為「福岡第一可愛美少女」，出道以來人氣直線上升，從好多時尚雜誌都可以見到其演出，另外今年4月美櫻在日劇《花過天晴》（新版《流星花園》）中飾演C5成員，人氣見明顯上升，來年又有新戲《君は月夜に光り輝く》上映喇。美櫻面容俏麗可人又甜美，身材夠晒鮮嫩雪白且上圍豐滿，當然唔會被忽略啦，所以除咗拍戲拍劇，美櫻亦會拍水着寫真，最近推出嘅《生命力》就係美櫻嘅首本寫真集。今次美櫻會去到自己嘅家鄉福岡以及沖繩取景，將當地自然景觀配合美櫻嘅誘人胴體融為一體為大家養眼之外，寫真集亦收錄咗好多美櫻喺工作時被影低嘅照片，希望可以向大家展露出美櫻工作時幾咁認真以及當中流露嘅情感，將美櫻發展事藝事業時所發揮嘅生命力呈現，而呢本寫真集喺美櫻剛剛從大劫當中成功「逃生」後推出，可謂別具意義。

講到今田美櫻嘅「成名地」柳川，位於福岡縣南部，區內有許多運河，又被稱為水都。來這裏最好的遊覽方式，就是乘坐小舟，欣賞柳河的河川之美，遊船河的時間約一個小時，沿途風光明媚，景色秀麗，船伕一邊撐船，一邊高歌，甚有情調呢！