【決性11點】中女絲襪谷：契爺~我想要...

東網電視

【決性11點】中女絲襪谷：契爺~我想要... (設計圖片)

「呢個世界咩事都會發生。」Joe君

「例如？」艾美美

「阿羊學人收契女。」Joe君

「嗰個?女王?」阿田

「講笑咋?」艾美美

「堅！下個星期六喺酒樓擺幾圍上契。」Joe君

「佢請你去?」肥比

「咁又無。」Joe君

「扯~無請你即係無事發生。」阿田

「咁點解你又知?」艾美美

「我同佢出去傾單Job,臨走佢畀張帖個客呀。」Joe君

「乜玩咁大呀?」艾美美

「9成9 臨老入花叢」Joe君

「下?關事咩?」肥比

「佢自己有仔女，收乜Q契女？」Joe君

「咪住先，個契女幾多歲？BB女定16歲卜卜脆？」阿田

「咁我又無問喎！」Joe君

「我突然諗起啲嘢！唔知係咁啱定得咁橋.....」肥比

「飛機撞紙鳶?」艾美美

「早兩日我哋秘書谷飯聚，聽到8樓秘書CoCo同人講，話會同契爺正式上契，唔通就係羊生？」肥比

「嗰隻姣精秘書?」阿田

「嗱嗱嗱，仲唔係姣婆遇着脂粉客!」Joe君

「Sugar daddy？」阿田

「都唔知係咪啫。」肥比

「9成9係，嗰個阿羊又唔係靚仔，條女貪佢咩呢?」Joe君

「都話唔知係咪佢哋兩個囉。」肥比

「契爺？我想要...東哥~又後生又有米.....哈哈哈...哈哈哈」艾美美

「痴咗？搵契爺就梗係有錢啦！」阿田

「所以，契爺~我想要...李超人！」Joe君

「你就正常好多啦，但正常佢唔會收你做契女囉。」阿田

on.cc東網