易潔鑊　識揀仲要識用

消委會剛剛公布一項關於易潔鑊的測試報告，就耐用度、載重能力、手柄燙手程度進行測試，教大家如何選擇產品，原來市場上不乏價廉物美的選擇。講起易潔鑊，又稱不沾鍋或易潔鍋，最大的好處是具有「不黐底」的特性，易於清潔，但由於鑊上有一層塗料，所以大家除了要識得揀，仲要識得用，以下是使用易潔鑊的5個Don't，大家要謹記啊！

【5個Don't】

1.預熱或乾燒

攝氏250℃是易潔鑊的安全線，所以使用時切勿預熱，即燒熱鑊後加油，因這樣做的話，溫度很易飆升至攝氏300℃以上，令鑊內的塗層受損，釋出有害物質。正確用法是先加油再開火。

2,猛火煮食

高溫會令易潔鑊塗層溶化，所以煮食時要留意火力，不能用大火，以免過熱。其實易潔鑊的傳熱很好，中火已夠用了！

3.使用鐵鑊鏟

使用金屬鑊鏟煮食，很易令易潔鑊有刮痕，所以想易潔鑊更耐用，最好選擇膠製或木製鑊鏟，亦可選用易潔鑊專用鑊鏟。同樣道理，因硬物會刮花塗層，所以易潔鑊不宜用來烹煮蟹或貝殼類食品。

4.溫差太大

煮食後，鑊身的溫度高，不應即時注入凍水，應先放涼才加水，就算真的要加水浸，也應該加入熱水，因溫差太大會導致急速的冷縮熱脹，很容易令易潔鑊出現裂紋，破壞了塗層。

5.用鋼絲刷清洗

清洗易潔鑊應該用海綿，不能夠用質地較硬的鋼絲刷或百潔布，原理跟使用金屬鑊鏟一樣，很易刮花塗層。假如發現易潔鑊有花痕，或有黏鑊底情況，代表塗層已受損，應立即更換！