食麵包都要識揀　邊款最健康？

很多香港人都會以麵包當早餐，「每日一包」隨時是致肥「幫兇」，點解？消委會剛公布，從市面搜集了百多個麵包樣本，發現白方包、麥方包、牛角酥及腸仔包鈉含量高於整體樣本平均水平；甜餐包、提子麥包、菠蘿包鈉含量相對較低。

莫非要日日食餐包同麥包？唔使擔心，其實坊間仲有一款百變麵包，只用高筋麵粉、水、少量鹽和麥芽糖，不含牛油與添加劑來製作，是相對較為健康又飽肚的麵包，究竟係乜包？咪就係Bagel囉！

千祈咪同冬甩撈亂，冬甩係用麵粉、沙糖、牛油及雞蛋製作，以先炸後灑上糖霜或不同面料而成嘅甜食，遠遠不及Bagel健康，而最重要係乜？係Bagel可以搭配多種材料，如加上芝麻、洋葱、藍莓、肉桂等材料，又或搽果醬、忌廉芝士，再搭配牛油果、生菜、火腿、三文魚、鹹牛肉等餡料，而Bagel三文治更係外國常見嘅食法添！

Bagel冷知識：

中文習慣將Bagel譯為貝果或百吉圈，其中一個起源傳說，始於1683年。當時人民為了紀念波蘭國王率軍抵抗土耳其大軍嘅進攻，便設計了馬蹄形嘅麵包；而猶太人更是最常吃Bagel嘅民族，皆因他們在安息日不能生火煮食，故此前一晚會將環狀嘅麵糰先用沸水灼熱，再烘焙焗製，焗好後掛起收藏。後來波蘭裔猶太人移民到紐約，把Bagel發揚光大，成為美國、加拿大每間Coffee Shop裏的必備食品。