電玩吹兩嘴:Xbox盛事XO18 比卡超真人電影化

2018年11月17日 18:30
東網電視
更多新聞短片
電玩吹兩嘴:Xbox盛事XO18 比卡超真人電影化(設計圖片)

Hello大家好!上星期電‧競女同大家跟進過暴雪「Blizzcon 2018」嘅《暗黑破壞神》手遊事件啦,但原來遊戲盛事浪接浪呀,呢個星期剛結束的,仲有喺墨西哥舉辦,Xbox年度全球慶典「X018」。到底現場有乜驚喜發布?轉頭名大家分享!而節目結尾電‧競女亦會同大家跟進下《名偵探皮卡丘》的情報!

X018第一件大事當然是inXile Entertainment及Obsidian Entertainment兩個遊戲工作室將加盟Microsoft Studios,來充實微軟的製作實力。前者以製作RPG遊戲《異域鎮魂曲》為人所認識,後者更炮製過大作《Fallout:New Vegas》的知名遊戲商。此外會場又發表多個遊戲情報,包括集混戰和超強破壞力的《Crackdown 3》的多人遊戲模式Wrecking Zone具體玩法內容、小熊維尼一眾角色回歸動作RPG遊戲《Kingdom Heart 3》、而下周上市,重量級二戰射擊遊戲《Battlefield V》亦首次釋出呈現Xbox One X最強機能的遊戲影片。最後唔少得Xbox Game Pass繼續擴充遊戲庫,當中呼聲最高的《PUBG》也宣布加入XGP,叫人期待!

全城捉寵手機遊戲《Pokémon GO》玩到街知巷聞。而本周重點大作當然是任天堂Switch角色扮演新作《精靈寶可夢Let's Go!》啦,遊戲共分成「皮卡丘」和「伊布」雙版本,除分別成為玩家首隻寵物小精靈外,更會影響遇上精靈的種類。遊戲以1998年Game Boy手提機推出的初代角色扮演遊戲《神奇寶貝 皮卡丘》為藍本重製而成,並融合《Pokémon GO》手機連動玩法,手遊玩家可將精靈轉移至Switch遊戲使用,另外又活用Joy-Con的體感功能,揮動猶如捕捉精靈,仲可以買埋精靈球Plus增加玩味,捉寵齊齊Let’s Go!

華納兄弟日前釋出2019年5月上映真人電影《名偵探皮卡丘》的首支預告片,即時引起全城哄動,而當中第一個關注點就係卡通片中剩係識「Pika!Pika!」的皮卡丘,竟然變成《死侍》主角Ryan的抵死配音,效果好唔好就真係見仁見智喇,不過電‧競女覺得呢種做法只係貫徹番西方卡通片的風格啫。至於第二個關注點就係有人會疑問,點解皮卡丘會變成「柯南」呢?原來呢套電影改編自2年前3DS的同名冒險解謎遊戲,講述人類和小精靈共存的城市中,主角Tim為了尋找失蹤的父親,於是和父親的拍檔「皮卡丘」一同搵出真相,而真人電影就係依據呢個故事演變而成喇!