伸手出水！　Autowater Pro家用自動水龍頭

唔少商場、餐廳洗手間都會安裝智能感應水龍頭，一伸手自動出水既方便又清潔。屋企都想有同樣設備的話，原來毋須大費周章更換整個水龍頭，靠Autowater Pro就得！

來自眾籌網站Kickstarter的Autowater Pro，分為廚房及浴室兩個版本，並附上6款轉接頭，用家只需將Autowater Pro加入適合的轉接環後，就可以直接套上現有的水龍頭使用。Autowater Pro設有兩個感應器，以廚房版為例，分別位於機身左側及下方。下方作短暫出水之用，只要將手靠近下方感應器就會自動出水，離開就會自動停水。而左側則專為長開水而設，只手靠近左側感應器時水龍頭即長開，直至再靠近左側感應器才會關閉。

記者以德國品牌水龍頭測試，只要將水龍頭原有的過濾頭鬆開，轉為安裝附送的F22轉換器後，即可將Autowater Pro套上，安裝容易。機頂設有一個設定鍵，長按3秒即可開啟Autowater Pro，亦可以調校感應器靈敏度等設定。

此外，Autowater Pro可於出水處安裝活性碳濾芯，官方表示可以吸收有機化學物、氯氣及改善水質，但不會影響出水量。機身亦設有光源感應器及多色夜燈，感應到環境變暗時，夜燈就會自動亮起，唔使摸黑洗手，夠晒貼心。

Autowater Pro支援IP67防水防塵標準，需要專用插頭充電，充滿電後可使用8至12個月。