【決性11點】「自愛假期」係咩意思？

正當我哋感激有男士侍產假出現時，外國嘅員工假期其實已經行得更前，好似英國情趣用品生產商LELO為咗員工嘅性福着想而推出「自愛假期」（Self Love Days）。據該公司解釋，「自愛假期」嘅意思就係讓員工可以喺為期4日嘅假期中，盡情自娛享受高潮快感。

LELO嘅老闆稱咁樣可以提升員工嘅幸福感，減輕壓力兼可以提高生產力。佢唔係亂吹水o架！英國最近有個搵咗超過2,000名男女訪問嘅調查，問佢哋關於性高潮睇法，結果有百分之六十六嘅受訪者表示自娛後工作會更有效率，另外有百分之四十嘅受訪者表示自娛後，未來一個星期嘅快樂度同生產力都會提升。LELO更稱計劃暫時僅限英國員工，如果實驗成功嘅話，將會向其他國家推介訂立「自愛假期」咁話。