順風快遞：飛機餐食出風味

近期流行食包要有風味，原來飛機餐都有呢支歌仔唱！所講的是近日不約而同推出新菜單的香港航空（Hong Kong Airlines）和樂桃航空（Peach Aviation）。前者以Truly Hong Kong為口號，香港出發航班的經濟艙，推出超貼地的印尼撈麵拼咖哩魚蛋和鮮茄牛肉炒蛋配翡翠飯，讓大家離港前回味一下家鄉風味。

至於樂桃航空則帶來大阪口味，小食推出最具代表性的燒墨魚丸和大阪燒，售價為￥750及￥800（約HK$52及55）；便當方面則有人見人愛的燒牛肉及精緻的秋冬日式便當，售價為￥1,200及￥1,000（約HK$83及HK$69），係咪聽到都想試呢？下次上機前記得預先網上或現場點選啦！