【19月曆】學生齊齊露 劍橋月曆上架喇！
20181207
東網電視
更多新聞短片
成員們在劍橋最著名的數學橋前擺出高難度姿勢。（互聯網）
講到性感年曆，第一個諗起就梗係英國劍橋大學運動隊，Raising and Giving學生會自發性製作嘅全裸月曆啦！咁點解咁遲先介紹呢？無他嘅，因為月曆變得「縮皮」咗，買家經過一輪心理掙扎，左計右度還是覺得佢最好，咪推到咁遲先推介囉！
當然，遲買唔會平幾舊，官方售價依然係10英鎊一本，收益依舊為坊間四間社福機構籌款。點解用「縮皮」咁負面去形容人哋愛心？咁就要回帶到2017年，話說劍橋大學推出男女版全裸慈善月曆轟動全球，但嚟到2019重返官網，你會發現年曆只得一本，仲係男女合拍，不過今次就多咗體育隊男女參與，包括籃球、美式足球、滑雪、游泳、曲棍球及舞蹈隊，另外拍攝場地除校內圖書館、宴會廳、博物館等，仲有出走外境植物公園玩全裸，誠意十足㗎！
假如純用情色角度睇，好多男人會覺得唔值，但若然你識欣賞學生全裸背後嘅意義並非博出位的話，劍橋月曆應該係全球最抵，事關攝影師Kevin Low表示，雖則月曆得十數張寫真，但由籌備到完工整整一年，不少照片早喺年初已開始拍攝，當時天氣仲落緊大雪，一眾人員為慈善及回饋社會半句怨言都冇，若然咁你都唔持，咁睇怕劍橋學生就真係心淡喇！
Cambridge Blues Naked Calendar 2019
售價：10英鎊