【地靈人美】OS☆U　唔做保長做區長

日本樂壇除咗有AKB48、乃木坂46等成員眾多嘅偶像團體，仲有唔少地方區團體，好似OS☆U咁就係一個以名古屋為主要發展地域嘅團體喇！喺12月3日，OS☆U更加獲委任為名古屋中區嘅一日區長添！當日，OS☆U就派出四名成員，包括夏川愛實、星野麻里愛、齊藤惠理以及白戶遙作為代表，擔任中區一日區長之職！四位成員為咗理行職務可以話盡心盡力，當日就聽咗一個講座，學習點樣同遊覽中區大須電器街嘅外國遊客溝通以及介紹當地特色，唔單只咁喎！之後四位成員及後仲探訪區內嘅老人家，為佢哋帶來關懷同溫暖，認真值得年青人學習呀！

中區係日本名古屋市16個行政區之一，區內除了有著名嘅大須電器街以及各大百貨公司之外，仲有名古屋城、愛知縣廳、名古屋市公所等設施。