IB攻略：IB學生報讀香港藥劑學課程要求

之前筆者着墨較多於醫科，法律系，但其實香港有部分學生未達到醫科要求，但係讀咗Bio Chem生物化學，又想讀一個專業，其中一個最受歡迎嘅就係藥劑。IB學生要讀藥劑，條路要點行呢？IB分數又要考幾多呢？

今日筆者會講講藥劑嘅收生要求，先看看香港大學，中文大學。等等，咁科大，Poly U嗰啲呢，有冇藥劑讀㗎？答案係無，全香港只係得兩間大學有得讀藥劑──Pharmacology and Pharmacy。

【香港大學藥劑IB收生要求】

藥劑學收生總人數得30個，最低IB收生分數講緊37分，所以一啲都唔簡單，因為藥劑係Under Faculty of medicine，即係醫科部門。IB化學一定要有高等程度、同埋特別嘅係，Good Working Knowledge of Cantonese，如果唔識廣東話，好大機會入唔到。

【中文大學藥劑IB收生要求】

中文大學就講緊36分IB，低過HKU 1分，而且收生人數都比較多，去到55個，所以策略上嚟講，中大應該容易入啲。不過科目要求都係要化學，呢樣都係梗㗎啦。

藥劑條路係點？要讀4年嘅課程，加1年實習，先可以考牌做註冊藥劑師。不過依家嘅藥劑師，已經唔同舊時。舊時未有法例規管，一個藥劑師可以喺唔同嘅藥房掛名，因為無需要個人喺度，所以係可以當藥劑師係半個明星，係唔同嘅藥房代言，而且無咗藥劑師係唔可以開藥房。不過時代變咗，藥房受政府規管，藥劑師一定要喺間藥房，所以基本上藥劑師嘅收入亦都有所受限，但好事係，藥劑師嘅需求多咗，因為每間藥房都要人，間接幫助香港就業率。

最後順帶一提，藥劑師嘅註冊考試一啲都唔簡單，Passing Rate係50%。今次講緊對手的全部都係大學生，無咗啲唔讀書嘅對手，有一半人係會肥佬。每年大約有80-100個考生。如果IB學生有意入行就要更加努力，入咗大學後都唔可以怠慢！

Edward

HKExcel IB Specialist共同創辦人，教育超過三千名IB學生

拔萃男書院畢業生，英國高考取得5A成績

曾獲邀到多間IB學校分享應試心得

曾撰寫「IB攻略」在書展大賣