【靚人靚景】渡邊幸愛　分享台南食與色

要數深受港人喜愛嘅境外旅遊勝地，台灣可以算得上係其中一個，點解咁多人鍾意飛去台灣玩呢？因為當地風光景致獨特，亦因為當地美食種類繁多，就連被稱為「日本一可愛到令人難為情」嘅美少女渡邊幸愛亦被台灣所吸引。

青春嫩口嘅渡邊幸愛係美少女組合「SUPER☆GiRLS」嘅成員，隊友包括喺寫真界正值當頭起嘅童顏巨乳新貴淺川梨奈，好彩幸愛無論係可愛度以及身材都不讓梨奈專美，近期加入寫真界一樣氣勢十足！最近更加一圓到達20歲就推出首本個人寫真集嘅心願，就係呢本《koume》喇！渡邊幸愛特別去到台南取景，去到當地除咗會去沙灘換上比堅尼戲水，當然要去到繁忙嘅夜市一嘗地道美食啦，過程當中幸愛美食當前時展露嘅天真傻氣表露無遺，真係可愛到震呀！寫真集當中亦有幸愛作出突破喎，因為阿妹會去到情趣酒店房當中以內衣姿態演出，初嘗一下賣弄色情意態，粉絲們一定睇到大呼過癮喇！