日本嘅古怪產品有好多，最近就有個名為「The Buttress Pillow」（バットレスピロー）嘅產品喺網上進行眾籌。據研發呢個屁股形抱枕嘅日本公司Buttress Pillow事務局稱，呢個用全天然乳膠製作嘅抱枕，不但設計符合人體工學，使用者平瞓、側瞓同趴喺度瞓都咁舒服之餘，最重要係佢可以令使用者有種瞓喺真人屁股上嘅感覺，另外可以當藝術品咁睇、心情唔好時可以打佢嚟發洩情緒、當公仔咁攬住佢嚟瞓等，從而達到情緒放鬆嘅效果。最初公司嘅目標係喺明年1月底前籌到50萬日圓，而現在眾籌金額已超過目標近4倍，睇嚟呢個「股」惑抱枕真係好有市場呀！