Hanger、Rump係乜東東　型廚幫你補英文

對牛魔王來講，能吃到一件上佳靚牛肉，着實妙不可言，但打開餐牌，又或走入高級超市，面對眾多的牛肉部位，尤其是英文字，大家又識唔識得揀呢？中環一間肉類專門店主廚John Newsom，就揀選了幾個常見的牛肉部位，簡單為大家講解，讓大家食得更精。

1.Rib Eye（肉眼）：常吃的部位，是肋骨貼近胸部的肉，顏色較紅，肉質軟腍而無筋，油脂豐富，最特別是整塊肉有一小部分，明顯見到油脂的標記，用來煎、炒或烤都適宜，5成熟味道最佳。

2.Hanger（腹肉）：牛前腹近橫隔膜的部位，味道濃郁而柔軟，每隻牛只有1塊，切開約3kg，相當矜貴，油分亦豐富。

3.Rump（股肉）：為牛屁股上半部分，由於經常運動，故幾乎沒有脂肪，肉質很有嚼勁，通常用來燉煮，又或適合做他他。

4.Fillet（牛柳）：牛腰部分，較少郁動，故肉質柔軟鮮嫩，油脂含量較低，摸肉質會感受到軟綿的手感，烹煮時不要超過5成熟為佳。