文字變名勝　「GOTOPURA富士山」3D模型

去旅行最頭痛就是買手信，如果唔想次次都係「東京香蕉」、「白之戀人」，不如考慮近期大熱的GOTOPURA模型。日本玩具公司PLEX之前就出過，將文字變成觀光名勝的GOTOPURA模型，包括將「東京」二字，可以砌成東京塔鐵，又有將「大阪」二字，拼砌為大阪城。廠方最近就公布了最新一彈GOTOPURA，就是將「富士山」三個字，合併為日本第一高峰富士山，預計將於今年4月賣街，自認是日本迷的你一定要有。

現時已知GOTOPURA富士山，將會推出藍色以及夜光色兩款Version，模型除了把零件砌出富士山的外貌，更附有山頂的積雪、雲霧、日出東方的太陽小配件作點綴，重現富士山的特色景致。事實上GOTOPURA模型不僅在玩具店可以搵到，就連特色土產店亦有售，當你唔知買咩手信送畀朋友，GOTOPURA模型絕對可以幫你解決以上煩惱。