果粉聚焦：iOS劇迷福音！　Netflix推「智慧下載」功能

今時今日大家機不離手，不少人更煲劇成癮，行到邊睇到邊！為此Netflix於2016年推出「下載」功能，去年7月再推出「智慧下載」功能，當Android用戶睇完一集預先下載的影片後，Netflix應用程式會自動下載下一集，並刪除已看完嘅集數，幫用戶慳番管理下載內容嘅時間，專心煲劇。

今日起，iOS用家也終於用到呢項功能了！「智慧下載」只會喺手機連接Wi-Fi時，自動下載下一集，所以不會用到行動數據流量，當睇完一集後，仲會自動刪掉該集，唔會佔用手機空間。實測所見，由於以Wi-Fi下載，因此下載速度較一般4G行動網絡快，而且下載工作會可在背景進行，又可透過通知頁查看下載進度，相當便利，一眾iOS劇迷一於試試啦！