【Food Stop 】元宵佳節並唔係食湯圓？

我「美食婷」最鍾意過節，不同節日的應節美食各有不同，特別係傳統的中國食品就更加有趣。好似農曆正月十五就係元宵節，又稱為上元節或燈節等，係踏入農曆年後首個月圓之夜，不但象徵春天來臨，亦是中國情人節。

傳統上大家會食元宵、賞花燈及猜燈謎。現代人則多會在當晚吃湯圓，講到呢度，大家係咪諗點解標題又話元宵並唔係食湯圓？原因係好多人將湯圓當作是元宵，但其實元宵與湯圓是有分別的。

元宵是指用糯米粉搓成薄皮，加餡料製成的應節食品，最正宗的做法是加入核桃及沙糖，有一顆核桃般大小，煮成糊狀來吃。相比起湯圓，元宵只用甜餡，又或者不加任何餡料。此外，元宵皮薄餡多、餡又香甜豐富；湯圓則外皮與餡料比例為1比1，講求煙韌粉糯的口感。由於元宵的做法及餡料比湯圓講究及做法繁複，已愈來愈少人會做，而元宵漸漸亦被外形相似的湯圓代替，成為元宵節的應節食品。