最簡潔的設計往往就是最襟睇但亦係最難搵，就好似平常不過的白恤衫，相信每個人都一定有着過，由童年時返學到長大後返工，基本上衣櫃長年都總會有三五七件白恤衫，但要搵件質地好、剪裁好仲要價錢好的白恤衫其實絕唔容易，如果你係White Shirt Addict，你一定會知道！一直以簡約風格吸引時裝迷的COS，今季就特別以歷久常新的白恤衫做主題，推出包含女裝及男裝共8款設計的White Shirt Project。

系列所有設計都由品牌團隊與圖案切割師共同打造，運用了先進3D立體剪裁方法將經典白恤衫解構，於領位、袖口及口袋注入不同細節，重新勾勒其輪廓及比例，於傳統與現代之間取得平衡，以剪裁工藝探索最原始的時裝單品。（2月25日上架）