地靈人美：磯山沙也加返家鄉玩「雕」

香港人好多都係生於香港，活於香港，但係日本人就唔同，特別係日本藝人佢哋好多時都會離鄉別井去到藝能發展集中地東京搵食，所以對於家鄉嘅事物仲係有好多未了解，最近雖然已經年過三十，卻依然咁可愛又咁好身材嘅寫真美人兒磯山沙也加，就應茨城縣觀光電視節目《たくみにまなぶ》嘅要求，返到家鄉茨城當中嘅古河市作一番新體驗喇！

當中沙也加除咗去到茨城縣最大嘅道路休息站「まくらがの里 こが」，品嘗利用當地新鮮野菜炮製而成嘅特色天丼以及麵包飯，亦去到古河市嘅篆刻美術館嘗試一下雕刻印章嘅樂趣，整日旅程當中有飲有食又有得玩，沙也加同電視主持都顯得相當開心愉快。