要爆啦!瓦煲想襟用啲可以點?

20190320
東網電視
更多新聞短片
傳統湯水、粥品或中藥都會用瓦煲煮,如果想耐用啲有方法嘅。(互聯網)
最近有位本身十指不沾陽春水的閨密兼初歸新抱話要學煮餸,一於建議佢由簡單嘅煲湯學起,只需要將特定食材洗淨放入湯煲,煲上個零兩個鐘就搞掂,應該好易上手吧?No!阿靚太無幾耐就電話到,問個新煲使唔使開?聽到一頭霧水,原來係問個瓦煲點開,家具店阿姐叫佢買瓦煲,話煲湯燜煮效果都好好。
Anyway,既然買了回家,一於教埋大家點「開煲」,呢度指嘅當然係瓦煲喇!其實方法有多好多種,其中一種較為多人用嘅係將個新煲放入清水度浸一晚(水要蓋過成個煲),然後喺煲底掃上薄薄一層食油,放埋一邊待涼。
除了用油,也有人愛以米水或麵粉水取代清水來浸煲(亦有人會直接煲煮米水一會),旨在讓澱粉質嘅黏性滲透瓦入面嘅細孔縫隙之中,令瓦煲不易爆裂而更耐用。
題外話,由於瓦煲以往係用於火力平均嘅炭爐,今時今日用嘅氣體爐氣壓高,容易令瓦煲出現裂痕,因而令瓦煲變得較不耐用。