日本新出撈麵有雞湯送？

鍾意食即食麵嘅朋友，對日清元祖雞汁拉麵呢個名字應該唔陌生，作為日本經典品牌，亦與時並進，早幾日推出全新嘅碗裝撈麵版，用咩嚟撈？隨碗附上嘅濃厚雞油同秘製辣油，官方仲建議打隻蛋撈勻嚟食會更加滋味添，而味道方面應該唔使擔心，相信都會係一貫嘅水準。之不過，最驚喜嘅係，居然個淥麵水可以當湯飲，仲講明會係「雞湯」，以每碗180日圓計算，單是碗「雞湯」都已經值回票價喇！