《多啦A夢》粉絲必搶 萌爆聯乘妝品

2019年04月04日 16:30
東網電視
更多新聞短片
Paul & Joe與《多啦A夢》推出聯乘化妝系列,滿足童心未泯又貪靚的粉絲。(互聯網)

假如你喜歡多啦A夢,又有化妝習慣,咁呢套4月5日上架的Paul & Joe x《多啦A夢》聯乘化妝系列就啱晒你!事關新系列不但貫徹Paul & Joe的設計風格,加入靚靚花花圖案,更印上多啦A夢的可愛萌樣,身為粉絲又點忍得住唔入手?

今次聯乘設計上落足心思,尤其主打的果漾唇膏更採用夾心設計,唇膏中心部分加有多啦A夢樣子,即使密密搽,又或一直用到底,多啦A夢「嘜頭」都不會消失。加上唇膏筒上的吸睛圖案,叫人一邊搽一邊發出會心微笑!

而另一款修護唇霜則加入多啦A夢至愛零食──豆沙包的香甜味道,每次使用都猶如品嘗甜品,更可有效滋潤雙唇,預防唇紋出現。至於底妝必備的透亮定妝粉餅,不但盒面上印有精緻的多啦A夢「嘜頭」及花花圖案,更配襯繫有小鈴噹的同款花紋束繩袋,口袋似足多啦A夢的百寶袋,萌爆!叫人如何抗拒得了?