【地靈人美】森咲智美 挺肉彈推彈珠

2019年04月20日 21:30
東網電視
更多新聞短片
森咲智美着住一身低胸晚裝登場,唔知有冇引起哄動呢?(互聯網)

喺香港遊戲機中心愈來愈少,但係喺日本遊戲機中心則依然企得住腳,而除此之外,日本人出街唔想玩電子遊戲,仲可以玩彈珠機。而彈珠機喺當地受歡迎程度唔低,就算喺較為偏遠嘅地區亦可以發覺有開足二十四小時嘅彈珠機中心。

最近日本寫真界妖艷肉彈巨乳美人森咲智美就去到愛知縣岡崎市嘅SLOT HEAVAEN WIN彈珠機中心做宣傳喇!當日智美以低胸晚裝登場,酥胸半露卻又不失高貴,令彈珠機中心增(春)光不少。另外,除咗做宣傳彈珠機中心嘅工作,智美仲去到當地嘅市集閒逛咗一陣,似乎對當地出產嘅番薯好有興趣。

大家可能無乜聽過岡崎市呢個地方,其實岡崎市位於愛知縣嘅中心,當地的岡崎城為日本百大名城之一,可以話係遊客必到之地,另外觀光亦可以去到擁有多項日本國家重要文化財產古舊建築嘅伊賀八幡宮。到於美食方面,可以一嘗當地用帶有辣味嘅紅色味噌「八丁味噌」所煮成嘅特色菜色,更加可以去到「八丁味噌の鄉.史料館」了解一下「八丁味噌」嘅相關歷史及製造方法。