車然係咁：電單車違泊　雙響炮？

香港人多車多，電單車可說是在馬路上最方便的交通工具，停車後又可以泊在行人路上，你又泊我又泊，結果搞到行人路上泊滿電單車，途人睇唔過眼報警，警察當然要來抄牌啦。有揸開電單車朋友稱，每次被警察抄牌都係「雙響炮」，即係咩意思？原來是車主收到兩張告票，第一張係「違例泊車」$320，第二張係「沒有展示有效的行車證」$320，總數係$640，心水清既朋友都知咩事，因為警察要抄你牌，但係電單車車主最鍾意將行車證「攝」在尾車牌內，又或者用雨罩遮住整架電單車，令到阿Sir無辦法睇到行車證資料，所以告多一條「沒有展示有效的行車證」$320，大家覺得合理嗎？