桃哈多又有新口味　「花生」升呢做主角！

來自日本嘅桃哈多係唔少70後嘅回憶，小記從小就好鍾意食，仲要係同幾兄弟姊妹夾錢買嘅貴版零食，入面除咗一顆顆金黃香甜嘅焦糖味粟米條外，經常搶食嘅仲有混雜其中嗰幾粒花生。

今時今日，桃哈多推出非常多口味，最近仲搞鬼到將配角升格做主角，講嘅就係「花生」！點解花生可以升呢？主要係市場聲音，原來品牌客服不時收到客人電郵甚至電話查詢何時先有「花生」選購，幾經考慮，終於首次推出焦糖味花生，品牌仲特意在包裝設計上，以花生Pears作為第一身話會「盡力而為」。去開日本旅遊嘅朋友不妨支持一下Pears喇！